وزیراعلیٰ پنجاب شہباز شریف کی ٹوکیو میں خصوصی افراد کے مرکز پر حملے کی شدید مذمت

لاہور(یو این پی) وزیرا علیٰ پنجاب محمد شہباز شریف نے جاپان کے شہر ٹوکیو میں خصوصی افراد کے مرکز پر حملے کی شدید مذمت کی ہے۔ وزیراعلیٰ نے حملے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے اور زخمیوں کی جلد صحت یابی کیلئے دعا کی ہے۔ وزیراعلیٰ شہبازشریف نے کہا کہ خصوصی افراد پر حملہ اندوہناک واقعہ ہے جس کی جتنی بھی مذمت کی جائے، کم ہے۔خصوصی افراد کو نشانہ بنانا انتہائی سفاکانہ فعل ہے۔