مظفر آباد (یواین پی ) راجہ فاروق حیدر آزاد کشمیر کے وزیر اعظم منتخب ہو گئے ۔ مسلم لیگ نواز کے امیدوار راجہ فاروق حیدر کو آزاد کشمیر کا وزیر اعظم منتخب کر لیا گیا ہے ۔انہوں نے 48میں سے 38ووٹ حاصل کیے ۔ ان کے مد مقابل پاکستان پیپلز پارٹی کےامیدوار چودرھری محمد یاسین اور پاکستان تحریک انصاف کےدیوان غلام محی الدین نے 5،5 ووٹ حاصل کیے۔
یاد رہے کہ راجہ حیدر مسلم لیگ نواز آزاد کشمیر کے صدر بھی ہیں اور وہ دوسری بار آزاد کشمیر کے وزیر اعظم منتخب ہوئے ہیں ۔وزیر اعظم منتخب ہونے کے بعد ان کا کہنا تھا کہ جمہوری اندازسےحکومت چلائیں گے،آزادی کشمری کا سورج جلد طلوع ہونے والا ہے،کشمیر کی آزادی کے لئےسفارتی کوششیں جاری رکھیں گے،چھرےداربندوقیں استعمال کرنےوالوں کاچہرہ ہرفورم پردکھائیں گے۔مقبوضہ کشمیرمیں جاری تحریک سے الگ نہیں رہ سکتے۔انہوں نے حریت رہنماوں سےاپیل ہےکہ مل کرجدوجہد کریں۔ نو منتخب وزیر اعظم مقبوضہ کشمیرمیں ہونےوالےمظالم کاتذکرہ کرتےہوئےآبدیدہ ہوگئے۔