اڑیسہ (یواین پی)بھارت میں انسانیت مرگئی ، اڑیسہ میں غریب شہری کی اہلیہ ہسپتال میں مر گئی ، پیسے نہ ہونے کی وجہ سے ایمبولینس نہ ملی ، بھارتی شہری بیوی کی نعش کمبل میں لپیٹ کر کاندھے پر اٹھا کر سولہ کلومیٹر دور گاؤں پہنچا ۔ اسے انسانیت کی بے توقیری کہا جائے یا بے حسی ، غریب شہری کا کوئی پرسان حال نہ تھا ۔ بھارتی ریاست اڑیسہ میں غریب شہری کے پاس بیوی کی نعش ہسپتال سے گاؤں لے جانے کے لیے پیسے نہیں تھے ۔ ہسپتال انتظامیہ نے ایمبولنس دینے سے بھی انکار کر دیا ۔ 42 سالہ دانا ماجھی نے بھی خوب وعدہ نبھایا ۔ بیوی کی نعش کاندھے پر اٹھا کر سولہ کلومیٹر تک پیدل چلا ۔ دانا ماجھی کی معصوم بچی بھی آنسو بہاتی ساتھ ساتھ چلتی رہی ۔ بھارت کے ایک نجی چینل نے دانا ماجھی کی مشکل حل کی اور باقی راستے میں ایمبولینس کا انتظام کرکے اسے گھر کی طرف روانہ کیا۔