کراچی(یواین پی) کراچی میں ایک ہی روز میں کانگو وائرس کا دوسرا کیس منظر عام پر آ گیا۔ کراچی کے علاقے سائٹ سے تعلق رکھنے والے مریض شاہد خان میں کانگو وائرس کی تصدیق ہوئی ہے۔ شاہد خان جناح اسپتال میں زیر علاج ہیں ۔ اس سے قبل کراچی کے نجی اسپتال میں زیر علاج ایک مریض میں کانگو وائرس کی تصدیق ہوئی ہے جس کا تعلق بہاولپور سے ہے۔ متاثرہ مریض کو چند روز قبل کراچی منتقل کیا گیا تھا۔ رواں سال اب تک کانگو وائرس سے متاثرہ 6 افراد انتقال کر چکے ہیں ۔