پشاور میں گوشت کھانے سے 1700 افراد اسپتال پہنچ گئے

پشاور(یواین پی) عیدالاضحیٰ کے موقع پر ڈاکٹروں کی جانب سے گوشت کھانے میں احتیاط برتنے کا مشورہ دیا جاتا ہے لیکن بعض افراد اس مشورے پر عمل نہیں کرتے اور ایسا ہی ہوا پشاور میں جہاں شہری اپنی زبان کو گوشت سے دور نہ رکھ سکے اور صرف 2 روز میں ہی معدے اور پیٹ کے امراض میں مبتلا 1700 افراد اسپتال پہنچ گئے۔میڈیا کے مطابق پشاور میں 2 روز کے اندر زیادہ گوشت کھانے کے باعث مختلف بیماروں میں مبتلا ہوکر 1700 افراد اسپتال پہنچ گئے۔ لیڈی ریڈنگ اسپتال کے ترجمان کے مطابق آج زیادہ گوشت کھانے والے 200 افراد  کو اسپتال لایا گیا جب کہ گزشتہ 2 روز میں اسپتال میں لائے گئے پیٹ اور معدے کے امراض میں مبتلا افراد کی تعداد  1700 سے تجاوز کرچکی ہے۔