شاہ نورانی دھماکے میں بھارتی خفیہ ایجنسی را کے ملوث ہونے کا شبہ

حب(یو این پی)  سی پیک منصوبہ پاکستان دشمن قوتوں کی آنکھ میں بری طرح کھٹک رہا ہے۔ اس لئے سی پیک کے تحت تجارتی سامان کی پہلی کھیپ کی روانگی سے ایک دن قبل دھماکا کیا گیا۔ پاکستان کی ترقی روکنے کے لئے دشمن ہر حد تک جانے کو تیار ہے۔ محکمہ داخلہ بلوچستان نے تمام اداروں کو خود کش حملہ آوروں کے داخلے کی اطلاع دی تھی۔ حساس اداروں کی اطلاع کے مطابق خود کش حملہ آور عوامی مقامات کا نشانہ بنا سکتے ہیں۔ دھماکے میں بھارتی خفیہ ایجنسی   را   کے ملوث ہونے کا قوی شبہ ہے۔ درگاہ پر حملے میں   را   کے ملوث ہونے کے پہلو پر بھی تحقیقات کا آغاز کر دیا گیا ہے۔