کراچی میں ہول سیل مارکیٹ میں دالوں کی قیمتوں میں کمی

کراچی(یو این پی)کراچی میں دال ماش 10 روپے اور دال چنا 5 روپے فی کلو سستی ہو گئی۔یوا ین پی کے مطابق کراچی میں ماش کی دال 10 روپے کمی سے 170 روپے کلو، دال چنا 5 روپے کمی سے 180 روپے کلو جبکہ دال مصور 5 روپے کم ہوکر 155 روپے کلو ہو چکی ہے۔ ہول سیل گروسرز ایسوسی ایشن کے چئرمین انیس مجید کے مطابق عالمی مارکیٹ میں دالوں کی قیمتوں میں کمی اور ٹریڈرز کی جانب سے دالوں کی درآمد میں اضافے کے سبب اسکی قیمتوں میں کمی دیکھی جا رہی ہے۔ ملک میں دالوں کی سالانہ کھپت 12 لاکھ ٹن ہے جبکہ ملک میں دالوں کی مجموعی پیداوار 45 لاکھ ٹن ہے۔ملکی ضروریات کو پورا کرنے اربوں روپے کے دالیں درآمد کی جاتی ہیں۔