اسلام آباد (یواین پی ) وزیر اعظم کے بچوں نے پاناما لیکس کیس کی سماعت روزانہ کی بنیاد پر کرنے کیلئے درخواست سپریم کورٹ میں جمع کرا دی ۔ وزیر اعظم کے بچوں نے وکیل اکرم شیخ کی وساطت سے سپریم کورٹ میں ایک درخواست دائر کی ہے جس میں استدعا کی گئی ہے کہ ”اہم کیس ہے جسے جلد منتقی انجام تک پہنچایا جائے “ ۔مریم نواز ، حسین اور حسن نواز کی جانب سے متفرق درخواست میں چیف جسٹس انور ظہیر جمالی کی سربراہی میں قائم 5رکنی لارجر بینچ سے استدعا کی گئی ہے کہ اس کیس کی سماعت روزانہ کی بنیاد پر کی جائے ۔