پاک چین اقتصادی راہداری کے تحت مختلف بڑے ترقیاتی منصوبوں کا اجراء کیا جارہا ہے
کوئٹہ(یوا ین پی) وزیر اعلی بلوچستان سردار ثناء اللہ خان زہری کا کہنا ہے کہ بلوچستان میں سرمایہ کاری کے وسیع مواقع موجود ہیں۔میڈیاکے مطابق گوادر میں منقعدہ تقریب سے خطاب کرتے ہوئے انھوں نے کہا کہ صوبہ بھر میں عوام کی ترقی اور خوشحالی کے لئے اقدامات کئے جا رہے ہیں ، پاک چین اقتصادی راہداری کے تحت مختلف بڑے ترقیاتی منصوبوں کا اجراء کیا جارہا ہے اور گوادر بندرگاہ نے بھی کام شروع کر دیا ہے جس سے عوام میں خوشحالی آئے گی اور روزگار کے مواقع پیدا ہوں گے۔سردار ثناء اللہ نے یوا ین پی سے کہا کہ تمام منصوبوں کے باعث بلوچستان مقامی اور غیر ملکی سرمایہ کاروں کے لئے بہت پرکشش جگہ بن گیا ہے۔