غیر ملکی فٹ بالرز سخت سیکورٹی میں ہفتے کو پاکستان پہنچیں گے

Published on July 4, 2017 by admin ·(TOTAL VIEWS 314) No Comments

اسلام آباد:(یو این پی) دنیائے فٹ بال کے سابق اسٹارز کھلاڑی 8 جولائی ہفتہ کی صبح اسلام آباد پہنچیں گے اور وہاں سے سیکورٹی پلان کے مطابق اسی روز دوپہر کراچی پہنچ کر سات بجے شام عبدالستار ایدھی ہاکی اسٹیڈیم میں سیون اے سائیڈ میچ میں شرکت کریں گے۔ذرائع کے مطابق سابق برازیلین اسٹار رونالڈینہو، رابرٹوکالوس سمیت دیگر آٹھ کھلاڑی ایک ساتھ ہفتے کی صبح دبئی سے براہ راست اسلام آباد جی ایچ کیو پہنچیں گے جہاں سے سیکورٹی پلان کے مطابق انہیں سخت ترین سیکورٹی میں کراچی لایا جائیگا ،شام سات بجے تمام کھلاڑی کراچی میں کھیلے جانے والے پہلے میچ میں شرکت کریں گے ،میچ شام سات بجے عبدالستار ایدھی ہاکی اسٹیڈیم میں کھیلا جائے گا جس کی تزئین و آرائش کا کام زور و شور سے جاری ہے۔چیئرمین ورلڈ گروپ محمود ٹرنک والا اور ان کی کمیٹی کے مطابق اتوار کو لیڑر لیگس سیزن ون کے کامیاب ٹیموں میں انعامات تقسیم کئے جائیں گے اور ان میں چودہ کھلاڑیوں کے نام میچز میں شرکت کیلئے اعلان کیا جائے گا۔امکان ہے کہ دونوں میچوں میں چار، چار غیرملکی کھلاڑیوں اور مقامی کھلاڑیوں پر مشتمل بیلنس ٹیمیں تیار کی جائیں گی ،سیون اے سائیڈ کا دوسرا میچ 9 جولائی کو لاہور میں ہوگا۔