دلیپ کمار کی طبیعت ناساز، اسپتال منتقل

ممبئی(یوا ین پی) بالی ووڈ کے لیجنڈری اداکار دلیپ کمار کی اچانک طبیعت ناساز ہوگئی جس کے بعد انہیں مقامی اسپتال منتقل کردیا گیا۔بھارتی میڈیا کے مطابق بھارتی فلم انڈسٹری کے اداکار دلیپ کمار اپنے گھر میں موجود تھے کہ انہیں گردے میں شدید تکلیف محسوس ہوئی، جس کے بعد انہیں ممبئی کے لیلاوتی اسپتال منتقل کیا گیا۔ڈاکٹر نے اسپتال پہنچتے ہی لیجنڈری اداکار کو انتہائی نگہداشت وارڈ میں منتقل کیا اور اُن کے متعدد ٹیسٹ کروائے، ابتدائی رپورٹ آنے کے بعد ڈاکٹرز نے ڈاکٹرز کی ٹیم نے بتایا کہ ’’جسم میں پانی کی کمی کیوجہ سے دلیپ کمار کو گردے میں تکلیف محسوس ہوئی‘‘۔ ڈاکٹرز کا کہنا ہے کہ حتمی رپورٹ آنے کے بعد ہی مرض کی تشخیص کی جائے گی۔دلیپ کمار اس وقت اسپتال میں داخل ہیں تاہم ڈاکٹرز کا کہنا ہے کہ اُن کی طبیعت اب پہلے سے بہتر ہے مگر انہیں ابھی ایک دو روز اسپتال میں ہی داخل رکھا جائے گا۔یاد رہے دلیپ کمار کی طبیعت گزشتہ برس سے اچانک خراب ہونا شروع ہوئی جس کے باعث اُن کی صحت تیزی سے متاثر ہوئی۔