سکیورٹی اداروں کو سلام، جنہوں نے ورلڈ الیون کے دورہ کے دوران کسی بھی ناخوشگوار حادثے کو پیش نہیں آنے دیا
لاہور(یواین پی) سکیورٹی اداروں کو سلام پیش کرتی ہوں جنہوں نے ورلڈ الیون کے دورہ کے دوران کسی بھی ناخوشگوار حادثے کو پیش نہیں آنے دیا۔ان کی انتھک محنت اور فرض شناسی کے باعث ورلڈالیون کے دورہ پاکستان سے جہاں عوام خوشی سے نازاں ہیں وہاں دیگر ممالک میں یہ ایک واضح پیغام دیاگیا کہ پاکستان ایک پرامن ملک ہے یہاں سکیورٹی کا کوئی مسئلہ نہیں۔ان خیالات کا اظہار گلوکارہ صائمہ اختر نے یواین پی سےاپنی گفتگو کے دوران کیا۔ ان کامزید کہنا تھاکہ ہم شوبز کی دنیا کی جانب سے ورلڈ الیون اور بالخصوص آئی سی سی کےشکرگزار ہیں جن کی خصوصی دلچسپی نے پاکستان میں کرکٹ کی بحالی کیلئے اپنا اہم کردار ادا کیا۔