نوازشریف اپنی اہلیہ کلثوم نواز کی تیمارداری کیلئے لندن روانہ،مریم نواز بھی ہمراہ ہیں

لاہور (یواین پی)سابق وزیر اعظم نواز شریف اپنی اہلیہ کلثوم نواز کی تیمارداری کیلئے لندن روانہ ہو گئے،مریم نواز اور ان کی بیٹی بھی ہمراہ ہیں،میڈیا رپورٹس کے مطابق سابق وزیراعظم نوازشریف غیر ملکی ایئر لائن کی پرواز سے براستہ دوحہ لندن روانہ ہوئے،ایئرپورٹ پرلیگی رہنما اشتیاق لون ودیگرنے نوازشریف کورخصت کیا،اس موقع پر سکیورٹی کے سخت انتظامات کئے گئے تھے،سابق وزیراعظم نوازشریف لندن میں 5 روز قیام کریں گے جہاں وہ اپنی اہلیہ کلثوم نواز کی تیمارداری کریں گے ۔واضح رہے کہ کل احتساب عدالت نے سابق وزیر اعظم کی ایک ہفتے کیلئے حاضری سے استثنیٰ کی درخواست منظور کی تھی جب کہ مریم نواز کی حاضری سے استثنیٰ کی درخواست میں رد و بدل کی استدعا مسترد کردی اور ان کا استثنیٰ 15 دسمبر تک برقرار رکھا ہے۔