اسلام آباد(یو این پی) نیب نے شریف فیملی کے خلاف ریفرنسز میں تحقیقات کا دائرہ کار وسیع کرتے ہوئے نواز شریف، مریم نواز اور حسین نواز کے مختلف ٹی وی چینلز کو دئیے گئے انٹرویوز کی تفصیلات طلب کر لیں ہیں۔ نیب کی جانب سے لکھے گئے خط میں کہا گیا ہے کہ نیب نے سپریم کورٹ کے حکم پر احتساب عدالت میں نواز شریف، مریم نواز اور حسین نواز کے خلاف ریفرنس دائر کر رکھا ہے، جس میں ان کو مزید تحقیقات کے لئے ان تینوں کے انٹرویوز کے ٹرانسکرپٹ اور ٹی وی پروگرامز کی تصدیق شدہ کاپی دی جائے۔ نیب نے متعلقہ تفصیلات 26 دسمبر تک دینے کی درخواست کی ہے۔ واضح رہے نیب نے ایون فیلڈ پراپرٹیز سے متعلق تحقیقات کے تناظر میں خط لکھا ہے جبکہ تفصیلات مانگنے کا خط ڈی جی نیب آفس لاہور کی جانب سے 20 دسمبر کو لکھا گیا۔