لاہور (یوا ین پی ) نیشنل ٹرانسمیشن اینڈ ڈسپیچ کمپنی لمیٹڈ (این ٹی ڈی سی) نے نیپرا کی جانب سے ٹرانسمیشن لائنز اور گرڈ سٹیشنز کی تکمیل میں مبینہ تاخیر پرایک کروڑ روپے جرمانہ عائد کرنے پر مایوسی کا اظہارکیا ہے اور جرمانہ کو بغیر سوچے سمجھے اور غیر ضروری قرار دیا۔ ترجمان نے کہاکہ کسی بھی منصوبے میں اگر کبھی کوئی تاخیر ہو تو وہ ارادتاًنہیں ہوتی تاہم این ٹی ڈی سی کے کنٹرول سے باہر معاملات تاخیر کا سبب بنے جن میں حکم امتناعی اور امن و عامہ کی مخدوش صورتحال شامل ہے۔ ترجمان نے کہا نیپرا کا یہ اقدام نیپرا ایکٹ اور رولز سے متصادم ہے۔