یاد رہے کہ میچ کے دوران پشاور زلمی کو ڈیرن سیمی کی انجری کی صورت میں بڑا دھچکا لگا۔ گیند کرتے ہوئے ان کی ٹانگوں کے پٹھے کھچ گئے تھے لیکن اس کے باوجود انہوں نے قائدانہ اننگز کھیلی۔ دیگر بلے بازوں میں اوپنر تمیم اقبال 36، کامران اکمل 10، ڈیوائن سمتھ 23 اور محمد حفیظ 29 رنز بنا کر نمایاں رہے۔
کوئٹہ گلیڈی ایٹرز کی جانب سے شین واٹس، راحت علی، جون ہیسٹنگ اور محمد حفیظ نے ایک، ایک وکٹ حاصل کی۔اس سے قبل پشاور زلمی نے ٹاس جیت کر کوئٹہ گلیڈی ایٹرز کو پہلے بلے بازی کی دعوت دی۔ پہلے بیٹنگ کرتے ہوئے کوئٹہ گلیڈی ایٹرز نے 20 اوورز میں 8 وکٹوں کے نقصان پر 141 رنز بنائے۔کوئٹہ گلیڈی ایٹرز کی جانب سے اسد شفیق اور شین واٹسن نے اننگز کا آغاز کیا۔ اسد شفیق متاثر کن کھیل پیش نہ کر سکے اور جلد ہی پولین واپس لوٹ گئے، تاہم شین واٹسن نے عمدہ بلے بازی کا مظاہرہ کیا اور تیز رفتار اننگز کھیلتے ہوئے 32 گیندوں پر 47 رنز جوڑے۔ اسلام آباد یونائیٹڈ کے خلاف لمبی اننگز کھیلنے والے کیون پیٹرسن بھی پشاور زلمی کے خلاف اپنی عمدہ کارکردگی کا تسلسل برقرار نہ رکھ سکے۔ دیگر بلے بازوں میں ریلی روسو نے 37 جبکہ کپتان سرفراز احمد نے 17 رنز کی اننگز کھیلی۔پشاور زلمی کی جانب سے عمید آصف، وہاب ریاض اور ڈیرن سیمی نے دو، دو جبکہ سمین گل اور خالد عثمان نے ایک ایک وکٹ حاصل کی۔
