علمائے کرام کا صدر مملکت سے جمعہ کی چھٹی بحال کرنیکا مطالبہ

لاہور (یو این پی) علمائے کرام نے صدر مملکت عارف علوی سے ملاقات میں جمعہ کی چھٹی بحال کرنے کا مطالبہ کردیا۔ صدر کہتے ہیں مطالبہ جائز ہے، معاملے پر نظر ثانی کی جاسکتی ہے۔صدر عارف علوی سے گورنر ہاؤس لاہور میں علمائے کرام کے وفد نے ملاقات کی، مذہبی اکابرین نے صدر کے سامنے مختلف مطالبات رکھے، کہا کہ اتوار کی بجائے جمعہ کی چھٹی بحال کی جائے۔ڈاکٹر عارف علوی نے مطالبے پر غور کا وعدہ کیا اور کہا کہ اتوار کو چھٹی کے معاملے پر نظرثانی ہوسکتی ہے۔ ادھر شہریوں نے بھی جمعہ کی چھٹی بحال کرنے کے حق میں رائے دی ہے۔ملاقات میں صدر نے یقین دلایا کہ حکومت تحفظ ناموس رسالت ﷺ کے قانون پر کسی مصلحت کا شکار نہیں ہوگی۔