ہارون آباد(یو این پی) ناموافق موسمی اثرات اور پانی کی وارہ بندی سے تل جیسی تیل دار جنس کی فصل بطور خاص ضلع بہاول نگر میں تباہ و برباد ہو گئی ہے ۔ محکمہ زراعت نے بھی اس سلسلہ میں کوئی آگاہی نہیں دی ، حالانکہ کاشتکاروں کا ناقابل تلافی نقصان ہوا ہے ، کسانوں نے مجبوراً تل کی فصل تلف کر کے دوسری تیل دار جنس سرسوں /رایا کاشت کیا ہے ، اِس کاشتہ فصل کو نہری پانی کی عدم فراہمی سے کاشتکاروں کو دوبارہ لالے پڑ گئے ہیں ۔ اس سلسلہ میں کاشتکاروں کا کہنا ہے کہ ہمیں مراعات ملنے کی بجائے ، کھاد کی قیمتوں میں اضافہ اور نہروں کی بندی کر کے کاشتکاروں کو معاشی طور پر برباد کر دیا ہے جس کے منڈیوں پر بھی برے اثرات مرتب ہوں گے۔