کراچی (یواین پی)پاکستان میری ٹائم سیکیورٹی ایجنسی (پی ایم ایس اے) کے شعبہ تعلقاتِ عامہ کے مطابق پاکستان میری ٹائم سیکیورٹی ایجنسی کے جہاز نے گشت کے دوران پاکستانی سمندری حدود میں 5 ہندوستانی ماہی گیر کشتیوں کو اپنی تحویل میں لے کر 31 افراد پر مشتمل عملے کو گرفتار کر لیا۔ ترجمان پی ایم ایس اے نے کہاہے کہ پکڑی جانے والی کشتیاں پاکستانی سمندری حدود کے اندر مچھلی کے غیر قانونی شکار میں مصروف تھیں۔