کراچی ۔ ضمنی الیکشن کا میدان پی ٹی آئی نے مار لیا

کراچی(یواین پی) قومی اسمبلی کے حلقہ این اے 245 کے ضمنی الیکشن پاکستان تحریک انصاف (پی ٹی آئی) کے محمود مولوی نے مار لیا۔فارم 47 کے مطابق پولنگ سٹیشنز کی تعداد 263 ہے، الیکشن کمیشن کی جانب سے آر ایم ایس سسٹم پر تمام 263 پولنگ سٹیشنز کے رزلٹ موصول ہوگئے، پی ٹی آئی کے محمود مولوی 29475 ووٹ لیکر جیت گئے، ایم کیو ایم کے معید انور 13193ووٹ لے کر دوسرے، ٹی ایل پی کے محمد احمد رضا 9836 ووٹ لے کر تیسرے، فاروق ستار آزاد امیدوار کی حیثیت سے 3479 ووٹ لیکر چوتھے، پی ایس پی کے حفیظ الدین 1177 ووٹ لیکر پانچویں نمبر پر رہے۔قومی اسمبلی کے حلقے میں ضمنی الیکشن کے لیے پولنگ کا وقت صبح 8 بجے شروع ہوا جو کسی وقفے کے بغیر شام 5 بجے تک جاری رہا۔حلقے میں مجموعی طور پر 263 پولنگ اسٹیشنز میں سے 201 پولنگ اسٹیشنز کو انتہائی حساس قرار دیکر سی سی ٹی وی کیمرے لگائے گئے۔