اسلام آباد 24 گھنٹوں میں کورونا مثبت کیسز کی شرح 0.33 فیصد رہی

اسلام آباد: (یواین پی) ملک بھر میں کورونا وائرس کے وار تھمنے لگے ہیں، مثبت کیسز کی شرح کی واضح کمی ہو رہی ہے۔قومی ادارہ صحت (این آئی ایچ) کی رپورٹ کے مطابق گزشتہ 24 گھنٹوں کے دوران کورونا وائرس کے 10 ہزار 768 ٹیسٹ کیے گئے جن میں سے 36 نئے مریض رپورٹ ہوئے ہیں۔این آئی ایچ کے مطابق 24 گھنٹوں میں کورونا مثبت کیسز کی شرح 0.33 فیصد رہی ہے جبکہ 24 گھنٹے کے دوران کورونا سے کوئی ہلاکت نہیں ہوئی۔قومی ادارہ صحت (این آئی ایچ) کی رپورٹ کے مطابق ملک بھر میں کورونا وائرس کے شکار 27 مریضوں کی حالت ابھی بھی تشویشناک ہے۔