پکا نارائن کوٹ بصیر پور میں فوڈ سیفٹی ٹیم کا مصالحہ چکی پر چھاپہ، 290 کلو ملاوٹی سرخ مرچیں ضبط کرلی گئیں
اوکاڑہ(یواین پی)پنجاب فوڈ اتھارٹی کا ملاوٹ مافیا کیخلاف کارروائیوں کا سلسلہ جاری ہے۔ تفصیلات کے مطابق دیپالپور کے علاقے بصیر پور پکا نارائن کوٹ میں مصالحہ چکی پر فوڈ سیفٹی ٹیم کی جانب سے کارروائی کی گئی۔ ٹیسٹ کے دوران مرچوں میں رنگ کی ملاوٹ پائی گئی۔ فوڈ لائسنس کے بغیر خوراک کا کاروبار کیا جارہا تھا۔ ورکنگ ایریا میں گندگی اور صفائی کے ناقص انتظامات پائے گئے۔ مرچوں کی مزید جانچ کیلیے سیمپل لیبارٹری بھجوا دیے گئے۔ملاوٹی مرچوں کا استعمال معدے میں تیزابیت اور ہائی بلڈ پریشر جیسی بیماریوں کا باعث بنتا ہے۔ انسانی صحت سے کھلواڑ کرنے والوں کیخلاف پنجاب فوڈ اتھارٹی کی کارروائیاں جاری رہیں گی۔