سی ایم جی اسپرنگ  فیسٹیول گالا پروموشن سرگرمی کی  شمالی امریکی آئس ہاکی لیگ کےمقابلے میں نمائش

نیو یا رک (یو این پی)  چینی قمری نئے سال کی مناسبت سے چائنا میڈیا گروپ  نے امریکہ کے شہر نیویارک میں نارتھ امریکن پروفیشنل ہاکی لیگ کے مقابلے  کے دوران اسپرنگ فیسٹیول گالا کی ثقافتی تشہیری سرگرمی کا انعقاد کیا اور 10 ہزار سے زائد امریکی ناظرین نے چینی روایتی تہوار  کے گرم جوش ماحول اور  کشش کو محسوس کیا اور مشترکہ طور پر ڈریگن کے نئے سال کی آمد کا خیر مقدم کیا۔ اسی روز نیو یارک آئس ہاکی رنک کے وسط میں بڑی سکرین پر سی ایم جی  اسپرنگ فیسٹیول گالا کی پروموشنل ویڈیو چلائی گئی، ساتھ ہی اندرون و بیرون ملک زندگی کے تمام شعبوں سے تعلق رکھنے والے افراد کی جانب سے ریکارڈ کردہ  نئے سال کے تہنیتی پیغامات بھی چلائے گئے۔ سی ایم جی کے صدر شین ہائی شونگ نے ویڈیو لنک کے ذریعے موقع پر موجود امریکی مداحوں سے خطاب کیا اور سی ایم جی کی جانب سے دوستوں کو جشن بہار  کی مبارکباد دی۔امریکہ میں چینی سفیر شے فنگ  نے بھی ویڈیو لنک کے ذریعے ناظرین کو نئے سال کی مبارکباد دی۔ اس ایونٹ کو غیر ملکی سوشل میڈیا پلیٹ فارمز اور نارتھ امریکن پروفیشنل ہاکی لیگ (این ایچ ایل) جیسے کوآپریٹو کمیونیکیشن چینلز کے ذریعے شمالی امریکی ناظرین کے لیے بھی فروغ دیا جائے گا۔