تھائی لینڈ اور چین کے درمیان قریبی اقتصادی تبادلے موجود ہیں، تھائی وزیر اعظم
Published on March 3, 2024 by admin ·(TOTAL VIEWS 38) No Comments
چین نے گزشتہ چند سالوں میں تھائی لینڈ میں سب سے بڑی براہ راست سرمایہ کاری کی ہے، سریتھا تھاویسنبیجنگ (یواین پی) تھائی وزیر اعظم سریتھا تھاویسن نے چائنا میڈیا گروپ کو دئیے گئے ایک انٹرویو میں کہا ہے کہ سافٹ پاؤر کے ذریعے معاشی ترقی کو فروغ دینا موجودہ تھائی حکومت کی ایک اہم پالیسی ہے۔ تھائی لینڈ کی چینی عوام کے لیے ویزا فری پالیسی سے مقامی معیشت کو متحرک کرنے میں مدد ملے گی۔ تھائی لینڈ اور چین کے درمیان قریبی اقتصادی تبادلے موجود ہیں اور باہمی تجارت کا حجم بہت بڑا ہے۔ چین نے گزشتہ چند سالوں میں تھائی لینڈ میں سب سے بڑی براہ راست سرمایہ کاری کی ہے، خاص طور پر الیکٹرک گاڑیوں کی صنعت میں. بیلٹ اینڈ روڈ انیشی ایٹو کے ذریعے پیدا ہونے والے رابطے نے علاقائی ترقی کو بہت فروغ دیا ہے۔ تھائی وزیر اعظم کے مطابق غربت کا خاتمہ چین کی معاشی کامیابی کا ایک اہم عنصر ہے۔ معاشی ترقی کوفروغ دینے میں ٹیکنالوجی کا استعمال اہم عنصر بھی ہے۔دونوں ممالک کے درمیان بیلٹ اینڈ روڈ انیشی ایٹو کی اعلیٰ معیار کی تعمیر کے فلیگ شپ منصوبے کے طور پر ، چین تھائی لینڈ ہائی اسپیڈ ریلوے تھائی لینڈ میں پہلی تیز رفتار ریلوے ہے ، اور چینی ہائی اسپیڈ ریل معیارات کا استعمال کرتے ہوئے میزبان ملک کی مالی اعانت فراہم کرنے والا پہلا تیز رفتار ریل منصوبہ ہے۔اس منصوبے کی تعمیر مکمل ہونے کے بعد تھائی لینڈ کی تعمیروترقی اور آمد و رفت کی صلاحیت میں بڑے اضافے کی توقع کی جا سکتی ہے۔سریتھا تھاویسن نے کہا کہ تھائی لینڈ کی نئی انرجی وہیکل مارکیٹ میں منتقلی کی رفتار اور سبز معیشت پر زور بنیادی وجوہات ہیں جن کی وجہ سے تھائی لینڈ چینی نئی انرجی وہیکل کمپنیوں کے لئے سرمایہ کاری کا سب سے بڑے ممالک میں سے ایک بن گیا۔ ڈیٹا سینٹرز مصنوعی ذہانت کی ترقی کے لئے اہم بنیادوں میں سے ایک ہیں، اور بہت سی چینی کمپنیاں اس شعبے میں سرمایہ کاری کرنا چاہتی ہیں. ہم چاہتے ہیں کہ تھائی لینڈ تمام چینی مصنوعات کے لئے مینوفیکچرنگ مرکز بنے۔ وا ضح رہے کہ چین اور تھائی لینڈ کی حکومتوں نے بینکاک میں باہمی ویزا استثنیٰ کے معاہدے پر دستخط کیے جو یکم مارچ سے نافذ العمل ہوا تھا۔
:اسی سے منسلک خبریں جو آپ پڑھنا چاہیں گے
بی آر ٹی پشاور منصوبے میں چوتھے روٹ کا افتتاح کردیا گیا
مردان کی اسماءکے جسم سے لیاگیا ڈی این اے میچ کرگیا
لندن کے علاقے برسٹال میں فائرنگ، خاتون رکن پارلیمینٹ ہلاک
پنجاب حکومت کے خلاف تحریک عدم اعتماد کا وقت آ گیا
ملکی مسائل کا حل صرف ہماری پالیسیوں میں ہے، ن لیگ
اوکاڑہ،مسافربس الٹنے کے نتیجے میں 2 عورتیں 10 مرد زخمی
Readers Comments (0)