بلاول بھٹو نے صرف پارٹی کارکنوں سے نہیں بلکہ پی پی پی کے ہمدردوں سے بھی معافی مانگی ہے،سابق وزیراطلاعات
لاہور(یو این پی)پاکستان پیپلزپارٹی کے رہنما قمرزمان کائرہ نے کہا ہے کہ وزیرِاعظم اسلام آباد میں دھرنوں کے حوالے سے سنجیدہ رویہ اختیار کریں ورنہ گونوازگوکے نعرے رنگ لاسکتے ہیں۔لاہورمیں میڈیا سے گفتگو میں انہوں نے کہا کہ وزیرِاعظم اسلام آباد میں دھرنوں کے حوالے سے سنجیدہ رویہ اختیار کریں اور بحران حل کرنے کے لیے چارپانچ سینئر سیاستدانوں پرمشتمل بااختیار کمیٹی بنائیں۔قمرزمان کائرہ نے کہا کہ ایسی ہی بااختیارکمیٹی عمران خان اورطاہر القادری بھی بنائیں اوردونوں فریقین کمیٹی کے فیصلے کو تسلیم کریں ،قمر زمان کائرہ کا کہنا تھا کہ اپوزیشن لیڈر سید خورشید شاہ نے مڈٹرم انتخابات کے حوالے سے بات نہیں کی۔ان کا کہنا تھا بلاول بھٹو نے صرف پارٹی کارکنوں سے نہیں بلکہ پی پی پی کے ہمدردوں سے بھی معافی مانگی ہے۔