نیپال میں خوراک کی ضروریات کو پورا کرنے کیلئے امداد کی ضرورت ہے: اقوام متحدہ

نیپال میں وسیع پیمانے پر تباہی پھیلی ہے اور کم ازکم آٹھ ہزار افراد کے ہلاک ہونے کا خدشہ
نیویارک ۔۔۔ اقوام متحدہ نے کہا ہے کہ نیپال میں زلزلہ متاثرین کی خوراک کی ضروریات کو پورا کرنے کے لیے فوری امداد کی ضرورت ہے۔ عالمی ادارہ خورواک نے کہا ہے کہ پچیس اپریل کو آنے والے شدید زلزلے کی وجہ سے نیپال میں کاشتکاری متاثر ہو گی اور وہاں خوراک کی شدید کمی کا خطرہ ہے۔ بتایا گیا ہے کہ نیپال میں 3.5 ملین انسانوں کو خوراک کی اشد ضرورت ہے۔ اس زلزلے کی وجہ سے نیپال میں وسیع پیمانے پر تباہی پھیلی ہے اور کم ازکم آٹھ ہزار افراد کے ہلاک ہونے کا خدشہ ظاہر کیا جا رہا ہے۔