وزیر اعلی پنجاب کو جہلم واقعہ کی ابتدائی رپورٹ پیش

Published on November 22, 2015 by    ·(TOTAL VIEWS 259)      No Comments

666
لاہور( یواین پی) وزیر اعلیٰ پنجاب محمد شہباز شریف کی زیر صدارت یہاں اجلاس ہوا جس میں جہلم میں پیش آنے والے ناخوشگوار واقعہ کی ابتدائی رپورٹ پیش کی گئی- وزیر اعلی نے واقعہ کی تحقیقات کا حکم دیتے ہوئے کہا کہ تحقیقاتی کمیٹی واقعہ کا ہر پہلو سے جائزہ لے کر مکمل رپورٹ پیش کرے- انہوں نے کہا کہ کسی کو قانون ہاتھ میں نہیں لینے دیا جائے گا- امن عامہ کی فضا برقرار رکھنے کے لئے تمام ضروری اقدامات کئے جائیں- وزیر اعلی نے کابینہ کمیٹی برائے امن و امان کو ہدایت کی کہ وہ جہلم جا کر صورتحال کا جائزہ لے- صوبائی وزیر قانون رانا ثناءاللہ خان، چیف سیکرٹری، انسپکٹر جنرل پولیس، سیکرٹری داخلہ اور متعلقہ حکام نے اجلاس میں شرکت کی جبکہ جہلم سے منتخب نمائندے، کمشنر و آر پی او راولپنڈی، ڈی سی او اور ڈی پی او جہلم ویڈیو لنک کے ذریعے اجلاس میں شریک ہوئے۔

Readers Comments (0)




Weboy

WordPress主题