لاہور(یو این پی) وفاقی وزیر خزانہ اسحاق ڈار نے دعوی کیا ہے کہ ملک میں مہنگائی کم ہو رہی ہے۔ حکومت نے بجٹ خسارہ بہت حد تک کم کر دیا ہے۔ لاہور میں ایک تقریب سے خطاب کرتے ہوئے انہوں نے کہا کہ زرمبادلہ کے ذخائر اپنی بلند ترین سطح پر پہنچ چکے ہیں۔22عالمی اداروں نے پاکستان کی معاشی پالیسیوں کی تعریف کی۔10ہزار میگاواٹ کے توانائی منصوبوں پر کام جاری ہے۔ ان کا مزید کہنا تھا کہ ضرب عضب اور کراچی آپریشن کے مثبت نتائج سامنے آئے۔اس وقت پاکستان کی معیشت درست سمت میں گامزن ہے۔