پہلے میری واری فِرتوہاڈی واری

نوائے وقت کا کالم میری نظروں سے گزرا جو کہ پاکستان کے پہلے بلائنڈ جرنلسٹ میرے بزرگ سید سردار احمد پیرزادہ کا تحریر کردہ ہے جس میں وہ لکھتے ہیں کہ نواز شریف نے ہر طرح کے مخالف حالات کو شکست ہی شکست دی ہے نواز شریف کے آگے تاریخ بھی بے بس ہو گئی اور اپنے آپ کو دہرانہ سکی قارئین کرام یہ صرف نواز حکومت میں ہی نہیں ہے جو ہر طرح کے حالات میں کامیابی سے چل رہی ہے بلکہ یہ ،باریاں،ہیں جو پہلے زرداری نے لی اور ان نواز شریف کی باری ہے انہوں نے ایک دوسرے کو باریاں دینی ہیںیہ ملک کو لوٹنے کھسوٹنے میں ایک دوسرے کو سپورٹ کر رہے ہیں کہتے ہیں اچھی گورنمنٹ چلانے ک لئے ایک مضبوط اپوزیشن کا ہونا ضروری ہے مگر ہمارے ملک میں اپوزیشن والا دور گیا اب باری والا دور پہلے زرداری نے خوب کھیل کھیلاخوب گل کھلائے امریکہ کی خوب غلامی کی عوام کا جی بھر کر استحصال کیا پیٹرولیم کے وزیر نے پورا سال سو کر گزارا اسمبلی کا کورم کبھی پورا نہ ہوا بجلی کے وزیر راجارینٹل اپنے بریف کیس نوٹوں سے بھر کر نو دو گیارہ ہوئے گیس اور سی این جی عوام سے کوسو ں دور رہی ایبٹ آباد ریمل ڈیوس جیسے واقعات زرداری دور میں وقوع پذیر ہوئے اور ہوئے اور دہشت گردی سونے پہ سہاگہ تھی امن وامان کی ابتر صورت حال تھی ان مذکورہ بالا حالات میں اس وقت اپوزیشن کی نے کیا رول پلے کیا قارئین کرام زرداری حکومت کو ان ابتر حالات میں کامیاب بنانے اور پہلی دفعہ پانچ سال پورا کرانے میں اپوزیشن کا رول نمبر ا پوزیشن پر ہے جی ہاں مسلم لیگ نون اس وقت اپوزیشن میں تھی اور انتظار کرتی رہی کہ کب اس حکومت کے پانچ سال پورے ہوں اور ہماری باری آئے اب زرداری نے نواز شریف کو باری دے دی ہے حالات جوں کے توں ہیں عوام نے اس دفعہ بجلی کے لئے ووٹ مسلم لیگ ن کو دئیے تھے مگر تین سال گزر نے کے با وجود بجلی کی لوڈ شیڈنگ میں ایک فی صد بھی کمی آئی ہو تو بات کریں سانحہ آرمی پبلک سکول پشاور حکومت کی بدترین کارکردگی کا منہ بولتا ثبوت ہے دہشت گرد جہا ں چاہتے ہیں بڑی آسانی سے کاروائی کر گزرتے ہیں باچا خان یونیورسٹی میں کیا نہیں ہوا حکومت کے ان تین سالوں میں کم از کم ایک سال تو ضرور تعلیمی ادارے بند رہ چکے ہیں جو حکومت اپنے ملک کے سکول اور یونیورسٹیاں دہشت گردوں کے ڈر سے بند کر دے تو اس کی کارکردگی صفر نہیں تو اور کیا ہے؟صرف حکومت کی تبدیلی ہوتی رہتی ہے پالیسی مشرف کی جاری وساری ہے امریکن نوازپالیسی عوام کو پتھر کے دور میں دحھکیلنے کی پالیسی اس ملک کے اداروں کو تباہ کرنے کی پالیسی آرمی کو کمزورکرنے کی پالیسی اور یہ پولیسی بڑی کامیابی سے مشرف نے شروع کی زرداری نے اس پالیسی کو اپنے باپ دادا کی وراثت سمجھ کر پال پوس کر جوان کیا اور نواز شریف کے حوالے کر دی اب نواز شریف اسی پالیسی پر عمل درآمد کو اپنا دین ایمان سمجھ رہے ہیں اور ان کی اپوزیشن بیٹھی ہے اپنی باری کا انتظار کرنے اسی طرح پاکستان میں جمہوریت کی ایک نئی اصطلاح نافذ ہو گئی ہے مفاہمت کی جمہوریت ایوب دور سے ہی جمہوریت ہر دفعہ ایک نئے انداز اور ایک نئے رنگ سے اس ملک پر مسلط کی جاتی رہی ہے قارئین کرام میں نے کالم کے آغاز میں اپنے ایک بزرگ بلائنڈ جرنلسٹ کی بات کے حوالے سے کہا تھا کہ نوازشریف نے ہر طرح کی مخالف حلات کو شکست ہی شکست دی ہے تو میں نے آپ کے سامنے نواز شریف کی کامیابیوں کا راز کھول دیا ہے کہ اب ہماری حکومتوں اور جمہورتوں کو ملک وقوم سے کوئی مطلب نہیں بلکہ اس ملک کی طاقتوں اور قوتوں نے آپس میں مل بانٹ کر کھانے کا معاہدہ کر لیا ہے اور باری باری ایک دوسرے کو دانستاموقع دے رہے ہیں کہ پہلے تم اس ملک کو اور اس کی عوام کا خون چوسو پھر ہم خون چوسیں گے اور یوں اس پالیسی کو مفاہمتی جمہوریت کا نام دے دیا گیا ہے