پیاز کی پیداوار میں پاکستان پانچویں نمبر پر

پاکستان سمیت دنیا بھر میں پیاز کاشت کیا جاتا ہے اور پیاز سب سے زیادہ چین میں کاشت کیا جاتا ہے
فیصل آباد (یو این پی) پاکستان سمیت دنیا بھر میں پیاز کاشت کیا جاتا ہے اور پیاز سب سے زیادہ چین میں کاشت کیا جاتا ہے۔پیاز کی پیداوار کے لحاظ سے دنیا بھرمیں پاکستان پانچواں بڑا ملک ہے ، ادارہ تحقیقات سبزیات فیصل آباد نے پیاز کی کامیاب کاشت کے لئے مختلف تجربات کئے ہیں۔کاشتکار ان کی روشنی میں پیداواری مراحل کو اپنا کر نہ صِرف ملک سے پیاز کی کمی کو دورکرسکتے ہیں بلکہ اپنی آمدنی میں بھی خاطر خواہ اضافہ کر سکتے ہیں زرعی ماہرین کا یواین پی سے کہنا ہے کہ پیاز کا آبائی وطن مغربی ایشیا (ایران) ہے۔پھلکارا اور ڈارک ریڈ پیاز کی بہتر پیداواری صلاحیت کی حامل اقسام ہیں۔اکتوبرکے آخر اور نومبر کے شروع میں کاشتہ نرسری 35تا 45دن میں منتقلی کے قابل ہوجاتی ہے۔