جنرل قمر جاوید باجوہ نئے آرمی چیف مقرر

Published on November 26, 2016 by    ·(TOTAL VIEWS 356)      No Comments

17
اسلام آباد (یوا ین پی) جنرل قمر جاوید باجوہ دنیا کی سب سے بہترین فوج کے سپہ سالار مقرر۔ جنرل زبیر حیات چیئرمین جوائنٹ چیفس آف اسٹاف کمیٹی ہوں گے۔ذرائع کے مطابق جنرل قمر جاوید باجوہ کو نیا آرمی چیف جبکہ جنرل زبیر حیات کو چیئرمین جوائنٹ چیفس آف اسٹاف کمیٹی مقرر کیا گیا ہے۔ لیفٹیننٹ جنرل قمر جاوید باجودہ اس وقت جی ایچ کیو میں انسپکٹر جنرل آف ٹریننگ اینڈ ایویلوئیشن ہیں۔ آرمی چیف بننے سے پہلے جنرل راحیل شریف اسی عہدے پر تعینات تھے۔ جنرل قمر باجودہ آرمی کی سب سے بڑی 10 ویں کو کمانڈ کر چکے ہیں جو کنٹرول لائن کی ذمہ داری سنبھالتی ہے۔ لیفٹننٹ جنرل قمر جاوید باجوہ کشمیر اور شمالی علاقہ جات میں تعیناتی کا بھی وسیع تجربہ رکھتے ہیں۔ بطور میجر جنرل انہوں نے فورس کمانڈ ناردرن ایریاز کی سربراہی کی اور انفنٹری اسکول کوئٹہ کے کمانڈنٹ بھی رہے۔ لیفٹننٹ جنرل زبیر حیات پاک فوج میں اس وقت سب سے سینئیر جنرل اور چیف آف جنرل اسٹاف ہیں۔ تھری اسٹار جنرل کی حیثیت سے وہ اسٹریٹجک پلانز ڈویژن کے ڈائریکٹر جنرل اور کور کمانڈر بہاولپور بھی رہے۔ واضح رہے آرمی چیف کے عہدے کی دوڑ میں پانچ سینئیر ترین جنرل شامل تھے۔

Readers Comments (0)




Free WordPress Theme

Premium WordPress Themes