عمران خان نےگھر کا سرچ وارنٹ کالعدم کرانےکیلئےعدالت سےرجوع کرلیا

Published on May 27, 2023 by admin ·(TOTAL VIEWS 52) No Comments

لاہور (یو این پی)پاکستان تحریک انصاف (پی ٹی آئی) کے چیئرمین عمران خان نے گھر کا سرچ وارنٹ کالعدم کرانے کے لیے لاہور کی انسداد دہشت گردی کی عدالت سے رجوع کر لیا۔عدالت نے نوٹسز جاری کرتے ہوئے فریقین سے جواب طلب کر لیا۔عمران خان نے درخواست میں کمشنر لاہور، ڈی سی لاہور سمیت دیگر کو فریق بنایا ہے۔درخواست کے متن کے مطابق انسداد دہشت گردی عدالت سے 18 مئی کو پولیس نے سرچ وارنٹ حاصل کیے۔پی ٹی آئی چیئرمین نے درخواست میں مؤقف اپنایا ہے کہ پولیس سمیت دیگر نے سرچ وارنٹ بدنیتی کی بنیاد پرحاصل کیے۔درخواست میں استدعا کی گئی ہے کہ عدالت 18 مئی کو جاری سرچ وارنٹ کالعدم قرار دے۔