اسلام آباد (یو این پی) وزیر اعظم میاں محمد نواز شریف نے قومی ایکشن پلان پر عمل درآمد کا جائزہ لینے کیلئے چاروں صوبوں کے وزراءاعلیٰ کا اہم اجلاس کل طلب کر لیا۔ تفصیلات کے مطابق اس اہم اجلاس میں تمام وزرا اعلیٰ اپنے اپنے صوبے کی اپیکس کمیٹی کی کارکردگی پر رپورٹ پیش کریں گے۔ اجلاس کے دوران وزیر اعظم کو ان تمام کیسز کی تفصیلات بھی پیش کی جائیں گی جو فوجی عدالتوں کو بھجوائے جائیں گے۔ ذرائع کا کہنا ہے کہ صوبے کئی اہم مقدمات کی سماعت فوجی عدالتوں سے کروانا چاہتے ہیں۔