ورنہ نے 2 کروڑ 70 لاکھ کما کر بھارتی فلمیں پیچھے چھوڑ دیں

Published on November 21, 2017 by admin ·(TOTAL VIEWS 745) No Comments

کراچی ( یوا ین پی) ماہرہ کی فلم ورنہ کیساتھ بھارتی اداکارہ ودیا بالن کی فلم تمہاری سلو نمائش پذیر ہوئی جو صرف تین روز کے دوران 26 لاکھ 30 ہزار کا بزنس کرسکی ۔ اس سے قبل عرفان خان کی فلم قریب قریب سنگل نمائش کے پہلے ہفتے کے دوران صرف 80 لاکھ اور دوسرے ہفتے میں اب تک 8 لاکھ کا بزنس کرچکی ہے۔ باکس آفس ذرائع کا کہنا ہے کہ پاکستانی فلم ورنہ سنسر بورڈ کنٹرورسی کی بنا پر جمعہ کے روز نمائش کے باوجود 68 لاکھ روپے کا بزنس کرسکی جبکہ 30 لاکھ روپے کا مزید بزنس نہ کرسکی جسکا ازالہ ہفتے کے روز ہوا اس روز فلم نے 1 کروڑ 12 لاکھ روپے کا بزنس کرکے فلم ٹریڈ کے لوگوں کو حیران کردیا ۔ اتوار کے رو ز فلم نے 90 لاکھ کا بزنس کیا ہے۔ سینما رپورٹ کے مطابق رواں ہفتے کے آخر تک فلم کا بزنس تین کروڑ سے تجاوز کر جائیگا ۔